Frei heit

In da Schui do geht´s los, do gibs vü des muaßt kapian (Dmaj7/e)
mit sche ausgwöhtn Wissen geht´s dahi (Dmaj7/e)
Vü Informationen, ob jede wichtig is muaßt di frong (Dmaj7/e)
füa irgendwen ganz sicha bringst´s hinta di (Dmaj7/e)

de Tog vagehn, und du kriagst mit worums do geht (f#/h)
du weast Teil vo ana Kettn mit System (A/e/h)
da Leistungsdruck heng an deim Hois, stranguliat di Tog und Nocht (f#/h)
beschneit die Energie, ruiniat de ganze Procht (A/e/G/A)

I bin frei heit, vo olle Zwänge de I net vatrog (D/A/h/e)
de Kettn hob I heit valuan, heit fong I uh zum lem (D/A/G)
I bin frei heit, jede Vapflichtung lieg heit hinta mia (D/A/h/e)
heit tua I nua des wos I wü, heit kriag mi koana mea (D/A/G)

Und etz is soweit, etz geht´s los de Puglarei
bist tüchtig, normgerecht und respektiat
a gonz nette Arbeit, muaß a net ois vom feinsten sei
wos net umbringt mocht di härter, Tog füa Tog

de Johr vagehn, du merkst daß Lem net länga weat
a leise Kritik an deina Philosophie
leida host vageßn, dass de ganze Wöt dia keat
sovü host du domois gret, und grod do liegt de Ironie

I mecht gornet hetzn, bin total fruah um soiche Leit
weil ohne se tat´s überhaupt net geh
bloß mi feit´s hoit uh, oft sich I Bosheit, Hoß und Neid
monche kennan nimma aufrecht steh

Gib eh gnuag Typen, de vorbei lem an eanan Lem
de Unzufriednheit is voaprogrammiat
Und I mecht eich song, do weah I mi dageng
an moderner Sklaverei, bin I net interessieat

cm-apple-music-badge  cm---google-play-badge

 

MINIMALISTISCHE WURZLMUSIG