Da Ümet leb in Österreich, & des scho sei gonz Lem (d/D#)
Ea sicht si söbst ois Tirg, & is a Hardcore-Moslem (d/C)
Da Ümet schaut genau so aus, wia a Ümet ausschaung muaß (d/D#/B)
Ea is a konservativa Trottl, & des vo Kopf bis Fuaß (B/A/d)
Da Kemal leb in Österreich, & des eascht seit 4 Johr
Demokratie & Freiheit, san füan Kemal wundabor
Deszweng is a zu uns kemma, wei ea gean tuat wos a wü
Ea is a a Muselmane, oba ois mit Moß & Zü
Da Klaus dea leb in Österreich, in an grauen Plottenbau
Sei reinrassige Herkunft, kennt da Klaus gonz genau
A richtig gsunde Watschn, is füan Klaus gonz normal
Schließlich wor sei Erziehung, streng christlichsozial
Mit seine Kameraden, tuat a am Stommtisch diskutian
Üba des Scheißausländagsindel, de Scheiße kocht im Hian
6 Bia & 7-8 Schnaps, gehen net spualos vorbei
da Klaus geht voia Söbstbewusstsein, hoam mit einem ei
A Oschloch is a Oschloch, gonz wurscht wohea des is (g/d/C/d)
An Untaschied mocht de Greß, ois ondare war jo fies (g/d/C)
A Oschloch is a Oschloch, ob göb, schwarz oda weiß (g/d/C/d)
So brennende Rosetten, gib´s gnuag des is nix neis (g/d/C/d)
Da Kemal spazieat auf da Stross, mit ana Tütn a da Hond
As Lem is so vü sche, in so an relativ freien Lond
Ea is aufn Weg zum Johnny, des is sei besta Freind
Da Kemal dea is glücklich, & zufrien wias scheint
Ea biag um de Eggn, & laft voigas gengan Klaus
Dea hoit a zufällig do gonga is, & dea flip glei aus
De blede Tirgnsau & schlog, an Kemal ins Gsicht
& des net lei oamoi, bis da Kemal niedabricht
Nu an gscheidn Tritt an Bauch, donn laft da Klaus davu
Wischt si de bluatign Händ oh, ois hätt a gornix tu
Ea torkelt aufn Gehsteig, schaut net wohi a geht
& krocht voigas gengan Umet, dea zufällig do steht
Es dauat gornet long, bis as easchte moi gscheid schnoit
Bloß desmoi is da Klaus, dea aufn Bodn foit
& net amoi wenig da Watschn, de hot a gornet checkt
sondan weng dem Messa, des in sein Bauch insteckt